Հարգելի Mar, բարև Ձեզ: "Սեռական գորտնուկները" առաջանում են մարդու պապիլոմավիրուսով վարակվելիս, արտահայտվում են պապիլոմաների կամ սրածայր կոնդիլոմաների ձևով, կախված տեղակայումից: Հավասարապես կարող է արտահայտվել կանանց և տղամարդկանց մոտ, եթե դրանք աճուկային հատվածներում են գործ ունենք պապիլոմաների, իսկ եթե լորձաթաղանթների վրա են, կոչվում են սրածայր կոնդիլոմաներ: Մարդու պապիլոմա վիրուսը փոխանցում է սեռական ճանապարհով: Հնարավոր է, որ վիրուսով վարակված լինեք, սակայն կլինիկական ախտանիշներ չլինեն, և օրգանիզմի իմունիտետի անկման դեպքում դրանք դրսևորվեն: Եթե կա նման խնդիր, հարկավոր է անպայման դիմել մաշկավեներոլոգի համապատասխան բուժում ստանալու համար, քանի որ սեռական պապիլոմաները այնքան էլ անվտանգ գոյացություններ չեն, և ռիսկի գործոն են հետագայում սեռական օրգաններում ուռուցքային գոյացությունների զարգացման համար:

Հարգելի Sara, բարև Ձեզ: Կրծքով կերակրման ընթացքում պրոլակտինի մակարդակը անընդհատ բարձր է լինում օրգանիզմում: Պրոլակտինը արտադրվում է հիպոֆիզում, և նրա երկարատև բարձր մակարդակը կարող է գլխացավել առաջացնել: Կան նման միջոցներ կաթնարտադրությունը դադարեցնելու համար, սակայն դրանք պետք է ընդունել միայն գինեկոլոգի նշանակմամբ և նրա հսկողության տակ: Կարող եք դիմել Ձեր տեղամասային գինեկոլոգին: Եթե կաթնարտադրության դադարեցումից հետո գլխացավերը չանցնեն ցանկալի կլինի հետազոտվել:

Հարգելի Mary, հնարավոր է, որ դաշտանը մոտ օրերս սկսվի: Եթե դաշտանի ուշացումը կամ բացակայությունը ընդամենը մեկ ամիս է, ապա անհանգստանալու կարիք չկա: Նման բան կարող է լինել, եթե տվյալ ամսում ունեցել եք ֆիզիկական ծանրաբեռնվածություն, սթրես կամ որևէ ինֆեկցիոն հիվանդություն եք տարել: Այս դեպքում դաշտանային ֆունկցիան ինքնուրույն կկարգավորվի հաջորդ ամսվա ընթքացում: Եթե դաշտանը բացակայում է տվյալ, ինչպես նաև հաջորդ ամսում, հարկավոր է դիմել գինեկոլոգի պատճառը պարզելու համար: Առայժմ կարող եք օգտագործել դիկլոֆենակի մոմեր, օրական մեկ անգամ, քնելուց առաջ դրեք հետանցք: Դրանք ունեն հակաբորբոքային էֆեկտ և կնվազեցնեն գոտկային ցավերը: Հարկավոր է օգտագործել 5 օր:

Հարգելի Arpi, բարև Ձեզ: Հղիանալուն կարող են խանգարել ինչպես էնդոմետրիոզը, այնպես էլ ձվարանի կիստան: Կախված էնդոմետրիոզի օջախից, այն կարող է առաջացնել տարբեր բարդություններ: Եթե էնդոմետրիոզի օջախը գտնվում է փողերում, այն կարող է առաջացնել կպումային պրոցես, որը կխոչընդոտի հղիանալուն: Էնդոմետրիոզի օջախ կարող է լինել նաև ձվարաններում, որը կբերի ձվարանների ֆունկցիայի խանգարման: Ինչ վերաբերում է ձվարանի կիստային, ապա այն կախված է կիստայի տեսակից: Եթե կիստան ֆունկցիոնալ է, այսինքն ֆոլիկուլյար կամ հազվադեպ դեպքերում նաև դեղին մարմնի, ապա հնարավոր է ինքնուրույն կամ դեղորաքյի ազդեցության տակ ներծծվի և խնդիրներ չառաջացնի: Եթե կիստան դերմոիդ բնույթի է, ապա այն ինքնուրույն կամ դեղորայքային միջոցներով չի անցնի, հնարավոր է հարկ լինի վիրահատության: Հարգելի Arpi, ամեն դեպքում Ձեզ մոտ առկա խնդիրները կարելի է լուծել: Եթե կա չբերություն, հարկավոր է դիմել նեղ մասնագետի և յուրաքանչյուր խնդրի համար ստանալ համապատասխան բուժում:

Հարգելի Սաթեն, բարև Ձեզ: Եթե ունեցել եք արյուն, ամենայն հավանականությամբ կուսազրկում արդեն եղել է: Ինչ վերաբերում է ցավին, ապա դա պայմանավորված է հեշտոցի ոչ բավարար խոնավեցմամբ, սկզբնական շրջանում կարող եք օգտագործել խոնավեցնող քսուքներ: Մեծ նշանակություն ունի նաև նյարդային-հոգեկան լարվածությունը, հարաբերությունից առաջ փորձեք թուլանալ: Կարող եք նաև կատվախոտի հաբեր ընդունել: 

Հարգելի NELLY, բարև Ձեզ: Քանի որ արդեն կա անդրոգենների քանակի բարձրացում, ապա հարկավոր է անընդհատ հսկողության տակ պահել հորմոնի քանակը: Իսկ վտանգավոր է նրանով, որ դա կբերի դաշտանային ֆունկցիայի խանգարման և այլ խնդիրների` մազաթափություն, մազակալում, չբերություն և այլն:

Հարգելի Nare, բարև Ձեզ: Հավանական է , որ առկա է սեռական աններդաշնակություն, որի հիմնական պատճառը զույգերի սեռական կոնստիտուցիոնալ տարբերությունն է: Մեծ նշանակություն ունի նաև զույգի հոգեբանական վիճակը, այսինքն եթե ընտքանիքում կան խնդիրներ կամ ամուսնությունը սիրո հիմքի վրա չի եղել: Խնդիրը կապված է ինչպես Ձեր, այնպես էլ ամուսնու հետ: Հարկավոր է սեքսոպաթոլոգի դիմելև այնպայման ամուսնում հետ միասին: Պատճառը պարզելու դեպքում հնարավոր է խնդրին լուծում տալ:  

Հարգելի NELLY, ըստ Ձեր ներկայացրած տվյալների Ձեզ մոտ առկա է հիպերանդրոգենեմիա, որը միանշանակ կարող էր բերել դաշտանային ֆունկցիայի խանգարման: Այս դեպքում նշանակվում են հակաանդրոգենային միջոցներ, որոնք հիմնականում շատ լավ էֆեկտ են տալիս: Ինքնաբուժմամբ զբաղվել բնականաբար չի կարելի, հարկավոր է դիմել գինեկոլոգի: Ինչ վերաբերում է դյուֆաստոնին,ապա առայժմ դրա կարիքը չկա, նախ պետք է իջեցնել անդրոգենների մակարդակը, որից հետո, դաշտանային ֆունկցիան չկարգավորվելու դեպքում նոր մտածել այլ միջոցների մասին:

Հարգելի nona, բարև Ձեզ: "Պրոգինովա" դեղը իրենից ներկայացնում է էստրոգենի սինթետիկ անալոգ` էստրոգեն-էստրադիոլ: Հղիանալ ցանկացող կանանց այն նշանակվում է արգանդի լորձաթաղանթի պրոլիֆերացիան լավացնելու համար, որը ստեղծում է բարենպաստ պայմաններ բեղմնավորված ձվաբջջի իմպլանտացիայի համար կամ եթե կա էստրոգենային դեֆիցիտ: "Պրոգինովան" արգանդի չափերի վրա անմիջական ազդեցություն չունի: Արգանդի փոքր չափը չբերություն չի առաջացնում, այս դեպքում ավելի կարևոր է արգանդի լորձաթաղանթի վիճակը: 

Հարգելի Anna, նախ պետք է նշեմ, որ չբերության պատճառ կարող են լինել ոչ միայն կանացի, այլև տղամարդկային գործոնները: Ցանկալի է, որ Ձեր ամուսինը նույնպես հետազոտվի: Ինչ վերաբերում է արգանդի հետթեքվածությանը, ապա այն չբերության պատճառ կարող է հանդիսանալ քիչ դեպքերում: Ամեն դեպքում պետք չէ հուսահատվել, ներկայումս կան բազմաթիվ մեթոդներ հղիանալու համար: Ծայրահեղ դեպքում կարող եք դիմել արհեստական բեղմնավորման մեթոդին:

Հարգելի Լիլի, դաշտանային ցիկլի 4-5 օրվա տատանումները նորմայի սահմաններում են: Դաշտանի տևողությունը նույնպես նորմալ է Ձեզ մոտ: Ինչ վերաբերում է գոտկային շրջանի ցավերին, ապա եթե դրանք ուժեղ չեն և դաշտանի սկսվելու հետ անցնում են,ապա անհանգստանալու կարիք չկա: Ձեզ մոտ ամեն ինչ նորմալ է:

Հարգելի NELLY, դաշտանային ֆունկցիայի խանգարումը ինքնին խոսում է հորմոնալ խանգարման մասին: Այն կարող է ուղեկցվել նաև այլ կլինիկական ախտանիշներով, օրինակ մազակալում, ճարպակալում, մազաթափություն և այլն: Այս դեպքում անհրաժեշտ է անպայման դիմել բժշկի և պարզել, թե կոնկրետ որ հորմոնների քանակն է խախտվել: Ինչ վերաբերում է ձվարանիկ կիստային, ապա ըստ Ձեր նկարագրածի հավանաբար այն ևս ֆոլիկուլյար է ,որը դեղորայքով կարող է ներծծվել: Ի դեպ ֆոլիկուլյար կիստան նույնպես հորմոնալ խանգարման հետևանք է:

Հարգելի Milena,այո հնարավոր է նման ախտանիշներ կապված են էպիլեպսիայի հետ,որը հղիության ընթացքում սկսել կլինիկական դրսևորում ունենալ:Հարկավոր է դիմել նյարդաբանի և կատարել Էլեկտրաուղեղագիր:

Հարգելի  Anush, տվյալ դեպքում հնարավոր է, որ արյունային արտադրությունն ամենևին էլ կապված չէ կեսարյան հատման հետ, ուղղակի հղիությունն ու կեսարյան հատումը եղել են նպաստող գործոն արդեն գոյություն ունեցող խնդրի ի հայտ գալու համար: Կարևոր է, թե ինչն է եղել կեսարյան հատման ցուցման պատճառը: Արյունային արտադրության պատճառները բազմաթիվ են և անհրաժեշտ է հետազոտությունների համալիր` պատճառը պարզելու համար: Պատճառներ կարող են լինել արգանդի միոման, էնդոմետրիումի հիպերպլազիան, էնդոմետրիոզը, ուռուցքային գոյացություններ և այլն: Վտանգավոր է այն առումով, որ անհրաժեշտ է անպայման պարզել պատճառը և ստանալ համապատասխան բուժում՝ հետագա բարդություններից խուսափելու համար:

Հարգելի  NELLY, նախ պետք է պարզել `որքան  ժամանակ են Ձեզ մոտ առկա խանգարումները: Եթե խոսքը 1 կամ 2 ամսվա մասին է, ապա հնարավոր է դաշտանային ֆունկցիան կարգավորվի: Եթե 3 և ավելի ամիս է, ապա պետք է պարզել պատճառը և ստանալ համապատասխան բուժում: Պատճառները տարբեր կարող են լինել` հորմոնալ խանգարումներ, սթրես, ձվարանի հետ կապված խնդիրներ: Կարևոր է նաև ճշտել՝ օգտագործում եք հակաբեղմնավորիչ միջոցներ, եթե այո, ապա՝ ինչպիսի, քանի որ օրալ հակաբեղմնավորիչների ընդունումը կարող է բերել դաշտանային ֆունկցիայի խանգարման: Կարևոր է ճշտել նաև՝ ուղեկցվում է այն այլ ախտանիշներով, թե՝ ոչ: Ամեն դեպքում խնդիրն առկա է և անհրաժեշտ է դիմել գինեկոլոգ-էնդոկրինոլոգի՝ պատճառը պարզելու և համապատասխան բուժում ստանալու համար: Իսկ վտանգավոր է նրանով, որ կարող է անպտղության պատճառ լինել: